Ministria për Evropën dhe Punët e Jashtme bën me dije se duke filluar nga data 17 shkurt do të hiqen të gjitha masat kundër COVID-19 për qytetarët që udhëtojnë drejt Zvicrës.
Njoftimi i Ministrisë:
“Ministria për Evropën dhe Punët e Jashtme njofton se autoritet në Zvicër, kanë vendosur heqjen e të gjithë masave në kufi për udhëtimet drejt këtij shteti, në kushtet e Covid-19. Duke filluar nga data 17 shkurt 2022, nuk do të kërkohet certifikatë vaksinimi apo shërimi, as provë testi negativ anti-covid dhe as formulari (PLF) për të hyrë në Zvicër”.
Ndërkohë deri më 31 mars do të mbeten në fuqi, detyrimi i maskave në transportin publik dhe në objektet shëndetësore si dhe izolimi prej pesë ditësh për personat që kanë rezultuar pozitivë.
Nga e enjtja, 17 shkurt do të hiqen kufizimet e mëposhtme:
Maskat nuk do të jenë të detyrueshme në dyqane dhe ambiente të brendshme të restoranteve, si dhe në objektet, kompanitë dhe ngjarjet me qasje të publikut;
Bien plotësisht Certifikimi i detyrueshëm në objekte dhe biznese si kinema, teatro, ambiente të brendshme restorantesh dhe eventesh;
Bie po ashtu detyrimi për autorizim për ngjarje të mëdha;
Hiqen kufizimet e takimeve private;
Bie poshtë rekomandimi i zyrës së shtëpisë (Homm Office);
Hiqet po ashtu detyrimi për dëshminë e vaksinimit, shërimit ose testit pas hyrjes dhe detyrimi i formularit për hyrje në Zvicër;
Bien kufizimet vullnetare të kapacitetit në teleferikë dhe shitje me pakicë;
