Ambasadorja e SHBA në Tiranë, Yuri Kim, është takuar sot me drejtuesit e KQZ, ku ka theksuar rolin që ata kanë që, zgjedhjet që po vijnë, të jenë të lira e të ndershme. Por, duke parë njoftimin e publikuar në faqen e Ambasadës, del se mesazhi kyç i zonjës Kim është për kandidatët për deputetë, që të jenë të pastër dhe me integritet. Jo më kot, ambasadorja, ka kujtuar përcaktimin e Sekretarit të Shtetit, për personat e konsideruar si të përfshirë në korrupsion madhor, për të cilët është hequr viza, ose nuk janë pajisur me të drejtën për të vizituar SHBA-në. Këta indivinë, tashmë njihen mirë në politikën tonë.

Njoftimi i Ambasadës:

 

 

Teksa edhe 100 ditë na ndajnë nga zgjedhjet parlamentare shqiptare më 25 Prill, Ambasadorja Kim u takua me Kryetarin e KQZ-së Celibashi dhe Zëvendës Kryetaren Pelinku, për të shprehur mbështetjen për rolin e tyre kritik në sigurimin e zgjedhjeve të lira dhe të ndershme.

 

Ajo nënvizoi nevojën për të zbatuar në kohë dhe mënyrën efikase identifikimit biometrik dhe masa të tjerë të nevojshme. Duke kujtuar letrën e saj të 31 gushtit drejtuar Kryetarëve të Partive, ajo kujtoi KQZ-në për përgjegjësinë e saj për t’u siguruar që kandidatët të jenë në përputhje me ligjin shqiptar. Ajo nënvizoi mbështetjen e Shteteve të Bashkuara të Amerikës për përmbushjen e kërkesave të popullit shqiptar për politikë më të pastër, duke filluar nga politikanë më të pastër. Në këtë drejtim, ajo përmendi se Sekretari Amerikan i Shtetit ka përcaktuar publikisht individë të caktuar për korrupsion madhor. Këto përcaktime mbeten në fuqi. Ata ranë dakord që KQZ-ja duhet të marrë të gjitha masat e mundshme, jo vetëm për të mundësuar ndjekjen penale të shkeljeve, por së pari për t’i parandaluar shkeljet, përfshirë duke zbatuar masa për të parandaluar blerjen e votave dhe manipulimin e votave.

Shtetet e Bashkuara mbeten një mbështetës i palëkundur i Shqipërisë dhe popullit shqiptar ndërsa ata punojnë për një demokraci më të mirë, udhëheqës më të mirë dhe një të ardhme më të mirë.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu