“Kur Komiteti i Ekspertëve nuk merr seriozisht veten nuk ka asnjë arsye për të bërë as debat dhe as diskutim me të,” tha sot ish-ministri i Shëndetësisë Petrit Vasili, nënkryetar i LSI dhe gjykoi se:

“Në deklaratën e tij, Komiteti i Ekspertëve thotë: “Ne, anëtarët e Komitetit Teknik të ekspertëve, jemi profesionistë të fushës sonë dhe sot, jemi pjesë e këtij Komiteti, të ngritur në zbatim të Ligjit mbi Epidemitë”! – Ligj për epidemitë në Republikën e Shqipërisë nuk ka!

Ligji mbi të cilin është ngritur ky Komitet është: Ligji.nr. 15/2016 “për parandalimin dhe luftimin e infeksioneve dhe sëmundjeve infektive.” Nuk kemi pra pse i keqkuptojmë anëtarët e Komitetit, të cilët nuk dinë as emrin e ligjit mbi të cilin është ngritur Komiteti ku këta janë edhe anëtarë. Kur Deklaratat e Komitetit përgatiten në zyrat e shtypit të Edi Ramës të tilla broçkulla do të shkruhen.”

Në vijim, Vasili ka shtuar edhe një Post scriptum, ku me ironi shprehet:

“Shumë “interesant” preokupimi i Komitetit për formimin profesional të Lulzim Bashës, që nuk mundësoka vlerësime për pandeminë. Rëndësi ka që Komiteti është ” shumë i lumtur” se formimi profesional prej piktori i Edi Ramës qenka i duhuri për të bërë vlerësime për pandeminë.

Formimi i Edi Ramës është tamam i “duhuri” për të koleksionuar budallallëqet e tij publike pa fund, të cilat duhet ta kishin bërë me kohë të paktën Komitetin të skuqej, meqënëse s’ia mbante as t’i thoshte dot Edi Ramës të mbyllte gojën.”

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu