Kryetari i PEISH-se Gjirokaster Gramos Braho, ne nje shkrim te dites se sotme, ka shprehur habine dhe indinjaten e tij per ate, qe ai e cileson si ”Terr informativ” nga Bashkia e qytetit te gurte. Braho, gjithashtu denoncon fshirjen e websaitit zyrtar nga ana e Bashkise Gjirokaster, si dhe i kujton institucionit ne fjale, se eshte duke shkelur kushtetuten.
Per me teper ndiqni te plote shkrimin e Brahos:
Nëse klikoni për të kërkuar informacion në websaitin e Bashkisë Gjirokastër do dali kjo foto e cila ka rreth 3 – muaj!!
Bashkia Gjirokastër e ka fshirë websaitin e saj zyrtar dhe nëse kërkon një informacion minimal duhet ti drejtohesh faqes propagandistike të facebookut!
A thua se kanë ardhur specialista nga Japonia për të sistemuar faqen zyrtare të bashkisë?!
Ligji për të drejtën e informimit me sa duket është vetëm një shkresë “bakalli” dhe nëse i drejtohesh institucionit të Bashkisë me shkresë zyrtare për dhënie informacioni, apsolutisht asnjë përgjigje, një bashki e uzurpuar tashmë duke vendosur veton për qytetarët e saj me titullin ” Topi është i imi penalltinë po e gjuaj vetë” dhe nga njëra anë ka të drejtë se mjaftonte dhe një votë personale për të administruar qytetin!
Me sa duket kjo qenka #Shqipëria që duam e Rilindasve” duke çensuruar ç’do informacion dhe duke propaganduar me dorë të hekurt informacionet zyrtare nga faqja e facebook-ut!
Seç u tha e seç është bërë brenda institucionit të Bashkisë një zot e mer vesh, por shpresojmë që specialistët e ardhur nga Japonia të mbarojnë punë shpejt!
Zotërinj, qytetarët paguajnë taksa, minimalisht kanë të drejtë t’ju ktheni përgjigje, minimalisht kanë të drejtën të dinë ç’po bëhet me qytetin e tyre!
Po masakroni konventat e ratifikuara nga Shteti Shqiptar, po shkelni Kushtetutën dhe aktet nënligjore!
