Kryeministri Edi Rama reagoi pas takimeve me diplomatë në Tiranë. Ai u takua sot me ambasadoren amerikane dhe të tjerë përfaqësues ndërkombëtarë.

Sipas Ramës, ai i ka bindur ndërkombëtarët me fakte për Teatrin Kombëtar, duke shtuar se ata ishin vendosur në mesin e shpifjeve.

“Biseda të mira sot me miq ndërkombëtarë jashtë vendit, për të përmbysur me fakte kështjellën e baltës së eksportuar nga prodhuesit e shpifjeve për godinën e shembur dhe ngjarjet rrotull saj! Gënjeshtra vrapon më shpejt se e vërteta, po këmbët e shkurtëra e lënë në mes të rrugës.

Biseda të mira edhe me miqtë ndërkombëtarë në Tiranë dhe dakordësi e plotë për të parë përpara të gjitha bashkë, duke adresuar menjëherë domosdoshmërinë e finalizimit të reformës zgjedhore, me të gjithë gatishmërinë tonë për përmbushjen e rekomandimeve të OSBE/ODHIR-it”, shkruan Rama.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu