Drejtuesi i SPAK, Arben Kraja, prokurori i posaçëm, Vladimir Mara dhe Drejtuesja e BKH-se, Aida Veizaj janë në një vizitë zyrtare në Washington të SHBA-së.
Gjatë vizitës që zgjat një javë, ata do takohen me zyrtarë të Departamentit Shtetit, Departamentit të Drejtësisë, FBI, DEA dhe institucione të tjera të zbatimit të ligjit në SHBA.
Qëllimi i vizitës është prezantimi i SPAK dhe arritjeve të tij, si dhe forcimi i bashkëpunimit të SPAK me institucionet e zbatimit të ligjit në SHBA, me synim rritjen e intesitetit të ushtrimit të ndjekjes penale ndaj krimit të organizuar, korrupsionit, pastrimit të parave dhe konfiskimit të aseteve kriminale në Shqipëri.
Burimet të besueshme nga SPAK kanë konfirmuar se trupa e prokurorëve shqiptarë do të konsultoj dhe plotësoj me homologët amerikan disa dosje të nxehta në Shqipëri, ku përfshihen edhe politikanë të lartë.
