Mjeku i njohur Tritan Kalo, është shprehur sot se Shqipëria nuk është e rrezikuar nga koronavirusi dhe të gjithë duhet të qetësohen. I ftuar në emisionin, “Kjo Javë” në News 24, mejku infeksionit tha se ka vënë re tendencën për ta izoluar këtë virus në vatër, pra në Wuhan, dhe në këtë mënyrë sipas tij koronavirusi nuk mund të përhapet.

Nuk ka asnjë arsye që të ketë alarm në Shqipëri. Organizata botërore e shëndetit ka shpallur emergjencën sepse është virus i ri dhe përpjekjet bëhen për ta izoluar në vatër. 117 raste janë izoluar jashtë Kinës por tendenca është duke izoluar udhëtimet. Shumë vende e kanë bërë.

Për shkak të lëvizjes së popullatave, bota quhet një fshat i madh dhe me një avion SARS-i me një avion shkonte në Hong Kong, Australi dhe pas 12 orësh në Europë. Duhet të izolohet brenda vatrës, dhe që mos përhapet”, u shpreh Kalo.

Koronavirusi vdekjeprurës ka arritur shifra alarmante në Kinë, duke u marrë jetën 259 njerëzve, ndërsa mbi 12 mijë të tjerë janë prekur nga ky virus. Ndërkohë dje OBSH ka shpallur emergjencë botërore. Autoritetet kineze deklarojnë se kanë marrë masat e duhura pasi tashmë ato po kurojnë në spitalin me 1000 shtretër të ndërtuar brenda 48 orëve të gjithë pacientët e infektuar. Sipas shkencëtarëve mendohet që burimi i virusit të jenë kafshët e egra të shitura në mënyrë të paligjshme në një treg të hapur, por ekziston edhe versioni që virusi është krijuar në një laborator ushtarak. Ndërkohë jo vetëm Kina por edhe Australia po punon për krijimin e vaksinës kundër koronavirusit.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu