Presidenti Ilir Meta ka reaguar pas publikimit të raportit nga agjencia “Fitch”, sipas së cilës janë përkeqësuar treguesit për investimet në Shqipëri. Kreu i shtetit shprehet se “gjetjet e raportit janë shqetësuese dhe thekson se një nga faktorët që ka ndikuar në përkeqësimin e klimës për investimet është edhe situata e rëndë politike në vend”.

Meta bën thirrje për vendosjen urgjentisht të dialogut politik dhe bashkëpunimit mes palëve për adresimin e menjëhershëm dhe të besueshëm të kushteve të Bundestagut gjerman.

 

Postimi i Metës
Dua të shpreh shqetësimin për raportin e agjencisë prestigjoze ndërkombëtare Fitch për vitin 2019, sipas së cilës Shqipëria është përkeqësuar në vlerësimin e shkallës së perceptimit të investitorëve, nga niveli 59.8, në 53.5.

 

Pa u ndalur sot në shqetësimet që kanë të bëjnë me faktorët ekonomikë dhe financiarë, dua të tërheq vëmendjen ndaj aktorëve politikë, që faktori kryesor i këtij përkeqësimi është kriza e rëndë politike në vend.

Ndaj duhet urgjentisht vendosja e dialogut politik dhe bashkëpunimit për adresimin e menjëhershëm dhe të besueshëm të kushteve të Bundestagut.

Përndryshe, jo vetëm çelja e negociatave me Bashkimin Europian pamundësohet, por vendi ynë do humbasë më shumë besueshmërinë e investitorëve të huaj seriozë.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu