Edi Rama është rikthyer sërisht në vëmendjen e mediave gjermane.

Pas skandalit me gazetarin gjerman që publikoi përgjimet e vjedhjeve të votave, Rama ka dhënë së fundmi një intervistë për ‘Bild’.

Temë e bisedës ka qenë koronavirusi Covid-19 dhe menaxhimi i pandemisë.

Që në nisje të intervistës Rama ka lëshuar një perlë sa i përket shifrave të Covid-19. Ai ka akuzuar shtetet e botës se po gënjejnë në raportimin e rasteve me Covid-19, ndërsa vet ai dhe qeveria e tij është shëmbëlltyra e transparences.

Pjesë nga intervista e Edi Ramës për Bild:

‘Unë nuk mendoj se shtetet e Ballkanit paraqesin kërcënim për Gjermaninë apo ndonjë tjetër në Bashkimin Europian dhe tek e fundit shifrat flasin vetë.

Kjo s’ka të bëjë me numrat e lartë apo me numrat që për këdo janë një kërcënim. Kur mendoj se Kina ka pesë raste sot dhe Shqipëria ka 100, atëherë kjo s’me duket se shkon.

Dua të them që ka shumë lojëra me numrat. Ne kemi vendosur të jemi jashtëzakonisht transparentë në këtë drejtim. Sigurisht, pas hapjes, u përballëm me një sfidë që ishte më e madhe, sepse ka të bëjë edhe me sjelljen e të gjithë qytetarëve.

Kjo është politikë, sepse nuk ka Korona Ballkanike, nuk ka Mafia Ballkanike dhe as Tërmet Ballkanik ose Sëmundje Ballkanike. Por, politika ndonjëherë ka nevojë – dhe në ditët e sotme gjithnjë e më shumë – për këto njollat dalluese për të arritur te njerëzit.

Sigurisht që sna vjen mire, por jemi mësuar me të. Nuk është hera e parë. Duhet të merremi me këtë stereotip dhe të përpiqemi të shpëtojmë prej tij’.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu