Koronavirusi “mund të mos largohet ikë kurrë”, paralajmëroi Organizata Botërore e Shëndetit. Gjatë një  konference të mërkurën, Drejtori i Urgjencave të OBSH-së, Dr Mike Ryan paralajmëroi lidhur me parashikimet se kur koronavirusi mund të zhdukej. Ai tha se edhe nëse gjendet një vaksinë, të vësh nën kontroll virusin do të kërkojë një “përpjekje të madhe”.

Pothuajse 300,000 njerëz në të gjithë botën raportohet të kenë vdekur me koronavirus dhe më shumë se 4.3 milionë janë të infektuar të konfirmuar. Ndërkohë, OKB paralajmëroi se pandemia po përhapte shqetësimet në shëndetin mendor – veçanërisht në vendet ku ka mungesë investimesh në kujdesin shëndetësor mendor. OKB u bëri thirrje qeverive të merrnin në konsideratë edhe kujdesin për shëndetin mendor në kuadrin e masave të tyre të përgjithshme ndaj pandemisë.

“Është e rëndësishme ta mbani para sysh këtë fakt: ky virus mund të bëhet thjesht një virus tjetër endemik në shoqërinë tonë dhe ky virus mund të mos zhduket kurrë,” tha Dr Ryan në konferencën për shtyp virtual nga Gjeneva. “HIV nuk është zhdukur, por ne e kemi pranuar virusin”.

Dr Ryan shtoi se ai nuk besonte se “dikush mund të parashikonte se kur do të zhdukej kjo sëmundje”.

Aktualisht ka më shumë se 100 vaksina të mundshme në zhvillim – por Dr Ryan vuri në dukje se ka sëmundje të tjera, të tilla si fruthi, që ende nuk janë eleminuar, pavarësisht se ka vaksina për to.

Drejtori i Përgjithshëm i OBSH-së Tedros Adhanom Ghebreyesus theksoi se ishte ende e mundur për ta vënë nën kontroll virusin, me përpjekje. “Trajektoria është në duart tonadhe ne të gjithë duhet të kontribuojmë për të ndaluar këtë pandemi”, tha ai.

Epidemiologia e OBSH-së, Maria van Kerkhove, gjithashtu tha në konferencë: “Ne duhet ta mbledhim mendjen se do të duhet ca kohë për të dalë nga kjo pandemi”.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu