Deri në orët e mesditës Shqipëria do të jetë me alternime kthjellimesh dhe vranësirash të pakta në pothuajse të gjithë vendin.

Por pas mesdite pritet të ketë zhvillime të përkohshme të vranësirave konvektive të cilat do të mund të sjellin rrebeshe afatshkurtra shiu në territor. Ndërsa mbrëmja largon vranësirat e shpeshta nga një pjesë e mirë e Shqipërisë.

Sipas MeteoAlb, temperaturat e ajrit do të ulen në mëngjes dhe në mesditë duke luhatur vlerat ditore nga 16°C deri në 40°C. Era do të fryjë e lehtë dhe mesatare me shpejtësi 35 km/h nga drejtimi Perëndimor – Veriperëndimor duke krijuar në brigjet detare dallgëzim mbi 2 ballë.