Ditën e martë, vendi ynë do të ketë kushte të paqëndrueshmë atmosferike si rezultat i ndikimit të periferisë së një qendre të ulët presioni me origjinë verilindore.
Shërbimi Meteorologjik Ushtarak parashikon mot me intervale kthjellimesh si dhe alternime vranësirash, të cilat do të shoqërohen me reshje shiu fillimisht me intensitet të ulët dhe gradualisht në mënyrë të herëpashershme deri mesatar.
Reshjet do të jenë në formën e rrebesheve të shpejta afatshkurtra, si dhe shtrëngata me shkarkesa elektrike e lokalisht edhe breshër, deri në orët e pasdites.
Era do të fryjë me drejtim verilindje-veriperëndim 2-10 m/s, ndërsa hera-herës në orët e pasdites në bregdet do të shfaqet relativisht intensive me shpejtësi 11-17 m/s. Valëzimi në detet Adriatik dhe Jon do të jetë i forcës 2-4 ballë.
Temperaturat parashikohen:
në zonat malore 5 deri 12°C;
në zonat e ulëta 7 deri 19°C;
në zonat bregdetare 11 deri 19°C.
