Greqia do ta marrë ngarkesën e parë të vaksinave të koronavirusit më 26 dhjetor, tha të premten Kryeministri Kyriakos Mitsotakis, duke shtuar se vaksinimet e para do të bëhen në pesë spitale të caktuara për Covid, në Athinë dhe Selanik.

Në fillim, tha Mitsotakis, vaksinat do t’u sigurohen punonjësve të kujdesit shëndetësor dhe atyre në mjediset e kujdesit afatgjatë. Vaksina do t’i afrohet popullsisë mbi 65 vjeç, rreth 2,4 milionë personave, tha ai.

Mitsotakis foli pas një takimi të mbajtur për të diskutuar strategjinë e imunizimit të Greqisë në selinë e Organizatës Kombëtare të Shëndetit Publik (EODY). Ai tha se sipas azhurnimit më të fundit të EMA, miratimi i vaksinës Pfizer pritet më 22 dhjetor.

Në buletinin e saj ditor të enjten, EODY njoftoi 78 vdekje dhe 1,155 infleksione të reja në periudhën 24-orëshe. Numri i pacientëve të intubuar ishte 542.

Ndërkohë, të premten u shfaqën fotografitë e frigoriferëve të parë të magazinimit të vaksinave në Selanik, të prodhuara nga firma japoneze PHCbi.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu