Ish-ministrja e Kulturës dhe deputetja ”rilindase” e Qarkut Gjirokaster Mirela Kumbaro, ka bërë sot një status në fb që i kushtohet Përmetit.

Duke dashur të promovojë vlerat e qytetit në fjalë, ish-ministrja është rrekur të shfaqë njohuritë e saj hulumtuese mbi autorë të njohur të huaj që kanë shkruar për Shqipërinë e në këtë rast, për Përmetin.

Por mjaftojnë pak fjali për të vërejtur se njohuritë e saj janë të përcipta dhe të gabuara. Teksa publikon një pikturë të Edward Lear për Përmetin, ish-ministrja Mirela Kumbaro e merr britanikun dhe e kthen në holandez.

“Kur s’kishte Shqiperi, ama kishte Përmet. Shiko tani, se Përmeti nuk është vetëm ç’të sheh syri sot, ujëra termale, lagje historike, kisha të bukura, gliko e raki, por nuk do mjaftojë asnjë nga promovimet që i bëjmë këtij qyteti e kësaj zone për të thënë se sa nur e fisnikëri kanë përmetarët. Në shekuj!

Dy shembuj më poshtë dhe fol vetë pastaj! Dhe Përmeti është nga ato zona që ka tërhequr vëmendjen e tyre. Ja ku sjell sot një foto të pikturës së hollandezit të famshëm për ne Edward Lear i cili nuk e la Përmetin jashtë bllokut të vizatimeve të tij, në prill të vitit 1857.” – shkruan ndër të tjera Kumbaro në statusin e saj në Facebook.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu