Presidenti Ilir Meta ka rikthyer një pjesë nga deklarata e tij një ditë më parë duke përsëritur edhe njëherë thirrjen për të arrestuarit e penduar për aferën e Inceneratorëve.

Meta shprehet se ata duhet të tregojnë se kush i dha garanci të shkelnin ligjin në mënyrë kriminale. Ai thekson se mjafton vetëm dëshmia e ish-ministrit të Financave për të vënë para përgjegjësisë të paktën gjysmën e qeverisë.

“T’i kthehen popullit shqiptar mbi 400 milion euro të vjedhura me aferën e inceneratorëve! U bëj thirrje të arrestuarve të bëhen “të penduar” dhe të tregojnë se kush ju dha garanci për të shkelur ligjet në mënyrë kriminale.

Mjafton vetëm dëshmia e ish ministrit të Financave në Komisionin Parlamentar për të vënë para përgjegjësisë të paktën gjysmën e qeverisë.

Ajo që duhet më shumë është t’i kthehen lekët popullit. Janë mbi 400 milion euro”, shprehet presidenti Ilir Meta.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu