Presidenti Ilir Meta i ka bërë të ditur qytetarëve sot se ideja e tij për referendum nuk është as e re, as e panjohur për shqiptarët dhe iu ka sjellë në kujtesë, referendumin e tyre për Kushtetutën. Në një mesazh në Fb, Presidenti e ka përforcon idenë e tij me një argument të fortë: “Çfarë e keqe e gjeti Zvicrën nga Referendumet?! – shkruan ai në vijim dhe njofton se të hënën do të propozojë ide konkrete për referendumin!

Mesazhi i plotë i Presidentit: 

Të dashur qytetarë! Ja çfarë ka vendosur populli shqiptar në referendumin për Kushtetutën:

Neni 150
1. Populli, nëpërmjet 50 mijë shtetasve me të drejtë vote, ka të drejtën e referendumit për shfuqizimin e një ligji, si dhe t’i kërkojë Presidentit të Republikës zhvillimin e referendumit për çështje të një rëndësie të veçantë.
2. Kuvendi, me propozimin e jo më pak se një së pestës së deputetëve ose me propozimin e Këshillit të Ministrave, mund të vendosë që një çështje ose një projektligj i një rëndësie të veçantë të shtrohet në referendum.
3. Parimet dhe procedurat për zhvillimin e referendumit, si dhe vlefshmëria e tij parashikohen me ligj.

U bënë 21 vjet që klasa politike nuk nxjerr ligjin për zbatimin e këtij detyrimi kushtetues për të bërë të pamundur ushtrimin e demokracisë direkte!
Por tani nuk ka më tolerim dhe as justifikime!
Kjo klasë politike di vetëm të thellojë krizat dhe të mos mbajë përgjegjësi. Ajo nuk e njeh dialogun politik, interesin publik dhe kombëtar. Ndaj tani çdo gjë për t’ia dhënë fjalën sovranit përmes referendumeve.
Çfarë e keqe e gjeti Zvicrën nga Referendumet?
Le të pushojmë sot e nesër dhe të hënën do ju propozoj ide konkrete për Referendumin!

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu