Kryetari i KLP, Alfred Balla së bashku edhe me zv/ kryetarin e KLP, Tartar Bazaj prezantuan sot drejtuesin e Prokurorisë së Sarandës për një mandat tre vjeçar, Kledian Llaho.
Prezantimi i drejtuesit të Prokurorisë, Kledian Llaho vjen pas vendimit të marrë nga KLP në mbledhjen e datës 30 janar 2023.
Kryetari Balla i uroi suksese drejtuesit Llaho ndërsa u shpreh se, për vetë rëndësinë që ka Prokuroria e Sarandës KLP vendosi që ta përfshijë në hartën e re te sistemit të drejtësisë.
Ndërsa kërkoi nga ana e prokurorëve të Sarandës impenjim maksimal të fokusuar në çështje të drejtpërdrejt tek qytetarët e rajonit.
Zv/kryetari Tartar Bazaj pas urimit u shpreh që prokuroria e Sarandës ka nevojë për një godinë të re se mjediset aktuale nuk janë të mjaftueshme për punën e prokurorëve por edhe të oficerëve të policisë gjyqësore.
Vetë drejtuesi i Prokurorisë, Kledian Llaho duke falënderuar KLP për vlerësimin dhe besimin për emërimin e tij në krye të Prokurorisë së Sarandës, kërkoi nga KLP dhe Prokuroria e Pergjithshme plotësimin e vendeve vakante në Prokurorinë e Sarandës, ku nga 6 prokurorë në organikë, aktualisht janë vetëm 4.
