Theu masën e sigurisë “Arrest në shtëpi”, kapet dhe ndalohet nga shërbimet e Policisë, 20 vjeçari.
Njoftimi i policisë:
Shërbimet e Postës së Policisë Këlcyrë bënë të mundur kapjen dhe ndalimin e shtetasit S. N., 20 vjeç, banues në Këlcyrë, i cili ishte shpallur në kërkim pasi duke u larguar nga banesa, theu masën e sigurisë “Arrest në shtëpi”, të caktuar nga Gjykata e Shkallës së Parë Përmet, për veprën penale “Marrëdhënie seksuale me dhunë me të rritura”.
Materialet i kaluan Prokurorisë pranë Gjykatës së Shkallës së Parë Përmet, për veprime të mëtejshme.
