Dy ditë pas grabitjes me dhunë të një çifti të moshuarish duke u marrë 12 milione lekë të vjetra janë arrestuar tre të rinj, pjesë e grupit me pseudonimin “Etalon”, ndërsa një tjetër është shpallur në kërkim.

Jugulajm.net zbuon identitetin e te arrestuarve, te cilet jane Erald Allushi 23 vjeç, Armando Reka, 22 vjeç dhe Fatjon Resuli 28 vjeç, banues në Shijak, si dhe u shpall në kërkim një tjetër Vilson Suti. Nga operacioni u sekuestrua një makinë, katër telefona të vjedhur dhe vetëm një pjesë e parave që ata arritën që të grabisnin në datë 4 janar në banesën e Hiqmet Ramadanit.

Gjithashtu, në automjet nga kontrolli u gjetën dhe u sekuestruan dy doza me lëndë narkotike kokainë. Ata e kanë kundërshtuar posedimin e kokainës që u gjet në makinën e sekuestruar.

Sipas policisë, ky grup, me pseudonimin “Etalon”, dyshohet se ka kryer dhe një sërë vjedhjesh të tjera në qarqe të ndryshme, për të cilat vijon puna për zbardhjen dhe dokumentimin me prova ligjore.

Viktima e grabitjes tregoi se dy nga autorët u futën brenda duke i lidhur me kabull të moshuarit, ndërsa më pas morën shumën e lekëve. I moshuari tha se e lidhën në fyt me kabullin e dyshekut të korrentit dhe tentuan ta mbysnin. Aksioni i goditjes se grupit ishte i koordinuar nga drejtoritë e policive të Durrësit, Gjirokastrës dhe Memaliajt.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu