Saturday, January 16, 2021
Ballina Aktualitet Itali/ Bie qeveria Conte

Itali/ Bie qeveria Conte

31
0

Qeveria Conte rrezikon të bjerë, pas tërheqjes së dy ministrave, duke u futur kështu në krizë.

Mësohet se ish-kryeministri Matteo Renzi ka tërhequr dy ministra, pjesë e partisë “Italia Viva”, nga qeveria Conte.

Matteo Renzi ka njoftuar tërheqjen e ministrave Teresa Bellanova dhe Elena Bonetti nga qeveria duke shpjeguar: “Për të dhënë dorëheqjen duhet guxim dhe një ndjenjë përgjegjësie”, ndërsa ka shtuar se; “Kriza nuk është hapur nga ne, ajo ishte e hapur prej muajsh”. Masa vjen pas takimit midis Contes dhe Presidentit Mattarella, i cili theksoi “nevojën për të dalë shpejt nga kjo gjendje e pasigurisë” duke pasur parasysh pandeminë.

Në një konferencë për mediat, Renzi deklaroi se nuk do të votohet tani, por në 2023-in, duke lënë të nënkuptuar se nuk do të ketë zgjedhje të parakohshme. Teksa komentoi dorëheqjen e dy ministrave të tij ai tha se ata bënë një gjest të madh. Duke u ndalur tek kriza politike e shkaktuar në qeveri, Renzi tha se tashmë gjithçka varet nga qëndrimi i Contes. “Është në varësi të kryeministrit. Ne jemi gati që të diskutojmë gjithçka. Nuk kemi asnjë paragjykim as për formulën dhe as për emrat”, tha Matteo Renzi para gazetarëve.

Ndërkohë që në ditët në vijim do të shihet nëse Conte do të arrijë të ketë përsëri maxhorancën, apo në këto kushte Italia do të shkojë në zgjedhje të parakohshme. Siç raportojnë edhe mediat italiane, mes Renzit dhe Contes përplasjet kishin nisur disa javë më parë sa i takon menaxhimit të fondeve të BE lidhur me situatën e pandemisë së COVID-19. Ngelet për t’u parë në ditët në vijim nëse do të krijohet qeveria e Conte 3.

Si u bë Conte kryeministër

Conte kaloi pjesën më të madhe të karrierës së tij si profesor i drejtësisë dhe ishte gjithashtu një anëtar i Byrosë Italiane të Drejtësisë Administrative nga 2013 në 2018. Pas zgjedhjeve të përgjithshme 2018, ai u propozua si udhëheqësi i pavarur i një qeverie koalicioni midis Lëvizjes Pesë Yjet (M5S) dhe Lega-s, megjithëse nuk kishin mbajtur më parë ndonjë pozicion politik. Pasi të dy palët ranë dakord për një program qeveritar, ai u betua si Kryeministër në 1 Qershor para Presidentit Sergio Mattarella, duke emëruar udhëheqësit e M5S dhe Lidhjes si zëvendësit e tij të përbashkët.

Kur Lega paraqiti një mocion mosbesimi në qeverinë e koalicionit, më 20 gusht 2019, Conte ofroi të japë dorëheqjen si Kryeministër. Më pas, partia M5S dhe Partia Demokratike e qendrës së majtë ranë dakord të formonin një qeveri të re, me Conte që mbetej si kreu i saj. Kështu Conte u bë kryeministri i parë italian që drejtoi qeveri të ndara me partnerët e koalicionit të krahut të djathtë dhe të majtë.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

error: Përmbajtja është e mbrojtur