Një sherr në Greqi mes shqiptarëve ka përfunduar me 3 viktima.

Pas vdekjes së shtetasve J. T dhe G. A, rreth 30-vjec, të dy me precedentë penale në fushën e narkotikëve, ka ndërruar jetë edhe personi i tretë i plagosur në ngjarjen e djeshme në Athinë.

Ky i fundit është shtetasi shqiptar i cili pasi doli nga mjeti “Audi” u godit nga një makinë në ecje.

Ngjarja ka nisur fillimisht në rrugën “Krotidou” ne lagjen “Kato Patisia” ku nga një automjet “Mercedes- Benz” është hapur zjarr ndaj drejtuesit të një motori, duke e plagosur rëndë këtë të fundit.

Gjithçka nisi mbrëmjen e të shtunës pak pas orës 21:00 në zonën e Kato Patisja në kryqëzimin e rrugëve Georgiou Nazou dhe Kourtidou.

Një automjet që drejtohej nga një grua dhe një motoçikletë që drejtohej nga një i ri u përplasën me njëri tjetrin dhe kjo solli debat mes palëve.

Gjatë përplasjes, pasagjeri i automjetit me origjinë shqiptare ka nxjerrë armën duke qëlluar në drejtim të drejtuesit të motoçikletës.

Për pasojë ky i fundit mbeti i plagosur rëndë.

Mirëpo pak metra më tutje brenda një automjeti tip Audi po udhëtonte babai i drejtuesit të motoçikletës i cili doli nga makina duke qëlluar në drejtim të shqiptarit.

Ky i fundit hapi zjarr ndaj tij duke e lënë të vdekur.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu