Vijojnë operacionet për parandalimin dhe goditjen e veprimtarisë kriminale në fushën e kontrabandimit të emigrantëve nga vendet e treta, kundrejt fitimit.

Finalizohet me sukses operacioni policor i koduar “ROAD GUARD 26”.

Transportonte 4 emigrantë të paligjshëm, vihet në pranga 22-vjeçari, Diamant Domi.

Sekuestrohen 1 automjet dhe 1 aparat celular.

Njoftimi i policise:

Specialistët e Seksionit për Hetimin e Trafiqeve të Paligjshme, në bashkëpunim me shërbimet e Policisë Rrugore, në vijim të punës për goditjen e aktivitetit kriminal të dhënies ndihmë shtetasve të huaj, për kalim të paligjshëm të kufirit, kundrejt fitimit, në bazë të informacioneve policore, kanë organizuar dhe finalizuar me sukses operacionin policor “Road Guard 26”, si rezultat i të cilit u arrestua në flagrancë shtetasi Diamant Domi, 22 vjeç, banues në Tiranë.

Në aksin nacional Gjirokastër-Tepelenë, në afërsi të fshatit “Humelicë”, shërbimet e Policisë kapën në flagrancë shtetasin Diamant Domi, duke transportuar me automjetin “Volkswagen”, 4 emigrantë të paligjshëm nga vendet MENA, kundrejt fitimit.

Në cilësinë e provës materiale u sekuestruan automjeti dhe 1 aparat celular.

Materialet i kaluan Prokurorisë pranë Gjykatës së Shkallës së Parë Gjirokastër, për veprën penale “Dhënia ndihmë për kalim të paligjshëm të kufijve”.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu