Autoritetet gjermane janë në kërkim të një burri i cili akuzohet për përdhunimin e një vajze. Burri i njohur me emrin Shaban, dyshohet se është shqiptar dhe ka përdhunuar një vajzë nga Dyseldorfi.
Tetorin e kaluar, Shabani është njohur me vajzën përmes një aplikacioni takimesh. Pasi folën bashkë dhe vajza nisi të kishte besim “te marrëdhënia” e tyre, ajo i dha adresën e saj ‘Shabanit’. Ai e mori me makinë vajzën dhe pasi udhëtuan qindra kilometra, e përdhunoi dhe e riktheu sërish në Dyseldorf.
Policia gjermane ka dyshime se Shabani mund të ketë lidhje edhe me ngjarje të tjera të ngjashme prandaj kërkon ndihmën e qytetarëve për gjetjen e tij. Ai dyshohet se është rreth 20-30 vjeç, ka flokë bjonde të errëta dhe flet gjermanisht.
Artikulli i medias gjermane:
Me emrin Shaban, një person i panjohur mësohet se tetorin e kaluar ka kontaktuar një grua nga Dyseldorfi dhe e ka përdhunuar në takimin e parë. Sipas hetimeve të deritanishme, policia nuk përjashton mundësinë që ky përdhunim nuk është akti i tij i parë dhe se ai mund të kërkojë viktima të tjera përmes aplikacioneve për takime.
Kështu thuhet se ai e gjeti të renë nga Dyseldorfi në tetor dhe ajo me besim i dha adresën e saj. Me një makinë argjendi, me sa duket një Mercedes ai e mori atë atje për takimin e parë. Pasi udhëtoi disa qindra kilometra në jug në autostradë, Shabani më pas u nis me makinë në një zonë të panjohur pushimi, ku përdhunoi gruan. Pastaj ai e ktheu atë në Dyseldorf.
Është e paqartë se çfarë lidhje ka ai Dyseldorfin dhe nëse e ka gjetur viktimën rastësisht. Hetuesit besojnë se ai tani është duke udhëtuar në Gjermaninë jugore dhe shpresojnë ta gjejnë përmes fotove të ndryshme nga profili i tij në aplikacionin e takimeve. Hetuesit janë të interesuar edhe për viktima të tjera të mundshme të burrit që mund të mos e kenë denoncuar nga turpi.
