Edi Rama ka mbledhur sot asamblenë kombëtare të PS-së, ku foli se pse, qeveria e tij meriton të marrë një mandat të tretë.

Rama e ka nisur fjalën e tij me delirime, duke u shprehur se PS-ja është e vetmja e mirë e Shqipërisë.

‘Ne jemi e vetmja e mirë që ka në politikën shqiptare’, tha Rama gjatë fjalës së tij.

Më pas ai renditi se pse duhej që të marrë një mandat të tretë qeverisës.

‘Në mandatin e parë u përpoqëm të ndalojmë rrënimin në raport me financat e vendit.

E kujtoj si sot bisedën me FMN, që insistonte se duhej ta nisnim uljen e rrogave e pensioneve dhe nuk pranonte që gropën ne do ta mbushnim me reformën në energji, ku ishte dhe gropa më e madhe.

Dhe nuk i harroj përfaqësuesit e FMN që më thonin se këtë e kishim dëgjuar edhe nga kryeministrat e mëparshëm.

Në mandatin e dytë, pasi ndaluam hemorragjinë, rivumë rregullin në financat e vendit, pasi ju dhamë njerëzve të zakonshëm disa instrumente më shumë për jetën e tyre të përditshme, ishte mandati kur kemi forcuar organizmin e një trupi që lëngonte 7 vite më parë edhe pse na është dashur të përballemi edhe me probleme të krijuara për të na rënë ndesh edhe me probleme që i ranë në kokë Shqipërisë dhe popullit jashtë vullnetit të njerëzve, qoftë tërmeti apo virusi, që e futi gjithë botën në një cikël pandemie sa të frikshëm dhe të rrezikshëm.

Ne sot, që jemi në përfundim të mandatit të dytë arrijmë që të rrisim pagat e ndërkohë që nuk më rezulton që ndokush rreth e rrotull nesh ta ketë bërë këtë.

Ne na duhet një mandat i tretë jo për vete, por për Shqipërinë me qëllim që Shqipëria të nisë të vrapojë, duke kaluar në një nivel të ri shpejtësie. E kush mund ta kalojë në një nivel të ri shpejtësie përveç Shqipërisë’, tha gjatë fjalës së tij Edi Rama.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu