Vazhdon të tallet bordi i Edi Ramës me çmimet e karburanteve.
Ditën e sotme ka vendosur që të ulë me 5 lekë çmimin e naftës, që do të shitet me 221 lekë/litri, ndërsa i shitjes me shumicë jo më shumë se 209 lekë/litër.
Sipas çmimeve në bursa dhe llogarisë së importit, sot çmimi i naftës nuk duhej ti kalonte 200 lekë për litër, por Bordi i Edi Ramës nuk i bën këto llogari.
Njoftimi i Bordit të Transparencës:
Bordi i Transparencës në datë 2 Gusht 2022, në mbledhjen e radhës vendosi:
Çmimi i shitjes me pakicë i nënproduktit gazoil i standardit SSH EN 590 të jetë jo më shumë se 221 lekë/litri, ndërsa i shitjes me shumicë jo më shumë se 209 lekë/litër.
Çmimi i shitjes me pakicë i nënproduktit benzinë e standardit SSH EN të jetë jo më shumë se 207 lekë/litri,ndërsa i shitjes me shumicë jo më shumë se 195 lekë/litër.
Çmimi i shitjes me pakicë i nënproduktit gaz, të jetë 81 lekë/litër edhe i shitjes me shumicë 69 lekë /litër.
Çmimet e caktuara nga Bordi do të hynë në fuqi sot datë 2 Gusht ora 18.00 p.m dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.
Tërheqim vëmendjen e çdo operatori të shitjes me shumicë dhe pakicë të nënprodukteve të naftës mbi detyrimin e zbatimit të këtij vendimi.
Në rast të shkeljeve të konstatuara nga operatorë të ndryshëm do të vendoset pezullimi i aktivitetit.
Jemi në monitorim të vazhdueshëm të ecurisë së bursave, me qëllim reagimin sa më të shpejtë.
