Një 36 vjecar nga Përmeti është vënë nën pranga me 8 doza kanabis sativa. Ngjarja ka ndodhur mesditën e sotme në qytetin e Përmetit kur Xh.S. kundërshtoi shërbimet policore dhe Task-Forcën e përqëndruar këto ditë në Qarkun e Gjirokastrës, teksa i është kërkuar të kontrollohej automjeti i tij.

Mësohet se 36 vjecari kundërshtoi punonjësit e policisë pasi në mjet dispononte 8 doza Cannabis Sattiva. Pasi shtetasi i mësipërm u neutralizua nga shërbimet e policisë, u ushtrua kontroll në mjetin e tij dhe si rezultat i kontrollit në mjet u gjetën dozat me kanabis.

Menjëherë u arrestua në flagrancë 36 vjeçari banor në fshatin Pacomit të Përmetit.

Materialet i kaluan Prokurorisë Përmet dhe ndaj tij rëndojnë veprat penale të prodhimit dhe shitjes së lëndëve narkotike dhe mosbindje ndaj urdhrit të punonjësit të policisë së rendit publik.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu