Analistë të ndryshëm kanë komentuar ftesën e kryeministrit Edi Rama për opozitën pas tërmetit të 26 nëntorit. Pedagogu dhe analisti Mark Marku tha se kjo ftesë është propagandë.

“E ka propagandistike! A kemi ne një plan konkret, se si do të përballohet me kosto dhe me grup pune kjo situatë? U bënë shtatë ditë që rri vërdallë, ka përqafuar të gjithë qentë e Tiranës dhe Durrësit. Unë mendoj se të gjithë duhet të bashkohemi për të përballuar këtë gjendje. Tërmeti nuk paralizon demokracinë. Opozitën e do aty që të bëjë foto. Sjellja e Bashës është korrekte”, tha Marku.

Edhe pedagogu dhe analisti Fitim Zekthi, deklaroi se kjo ftesë nuk është reale.

“Kryeministri Rama nuk mund të bëjë kurrë ftesa reale. Nuk shqetësohet kurrë për hallin e vërtetë të vendit. Kemi eksperienca me këtë njeri. Marrëveshja me Metën, Bashën, ka patur shumë dredhi. Ai i sheh Metën, Bashën, Berishën si armiq dhe që kërkon t’i asgjësojë. Situata kërkon zgjidhje dhe ky kryeministër nuk i jep dot. Ka dhënë 3,3 miliardë dollarë koncesione, ka rritur borxhin publik, nuk ka më para të paguajë rroga dhe pensione. Duhet mbajtur përgjegjësi për këtë situatë”, tha Zekthi.

Sipas analistit, sado të përpiqet Rama të bëjë propagandë, zemërata e qytetarëve do të vijë në rritje.

“Sado të bëjë propagandë, revolta e njerëzve do të rritet. Ai e di këtë pakënaqësi të madhe dhe do të përfshijë edhe opozitën në këtë. Pse e fton opozitën? Ai është i tmerruar pasi opozita po mundëson daljen në publik të situatës së rëndë në vend”, u shpreh Fitim Zekthi.

ARTIKUJ TË NGJASHËMMË SHUMË NGA AUTORI

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu